【DSE 放榜 2021】放榜必睇攻略
帶你入名牌大學嘅不單單係DSE放榜攞到最少「3322」嘅成績，應對策略都好重要！面對人生中「最重要」嘅一次放榜，心態上、行為上、計劃上應該點應對？網上放榜嘅流程究竟會係點？自己有冇可能成為DSE狀元？應該點準備好自己迎接DSE放榜日呢？
2021 DSE 放榜日期及最新流程需知
由於近日新冠疫情肆虐，教評局早前宣佈2020 DSE放榜會改為於7月21日以手機短訊通知考生成績。
考評局宣布文憑試暫定於7月21日放榜，並試行於放榜日早上9時以手機短訊向考生發放成績。短訊將以「HKEAA」作為發訊人名稱，內容包含考生部分個人資料，以及其各科成績等級。而覆核DSE成績結果則暫定於8月18日早上9時，以短訊形式向考生發放。考評局早前曾邀請考生更新手提電話號碼，並將於6月21日向考生發出提示信息，以確認手機號碼。手機短訊並不能代替正式成績單，只是確保考生即使無法出門亦能查看成績。
DSE 放榜前嘅準備事項:
放榜前心態準備
放榜人人都會緊張，但係緊張都好，其實最重要都係你要知道自己想行嘅「路」。成績只係你嘅一個踏板，但係「冇踏板」係咪就等於「唔會成功」？無論你點緊張都好，其實你考緊文憑試嘅時候一 “Pens Down” 大致上分數已經塵埃落定。所以唔好比自己有太多嘅擔心擔憂，相比起緊張、擔心，你可以做嘅係提早準備！
放榜前行為準備:
有預測過自己文憑試成績
預測自己實際DSE放榜成績後，有「比預期好」、「比預期差」、「與預期相乎」嘅三個計劃
做好最壞打算，知道邊度可以即刻叩門，有埋路線準備
知道學校附近影印舖位置
影印好所有叩門需要用嘅「文件」
所有需要用嘅「文件」正本都已經入好Folder
問屋企人攞定放榜日當天要用嘅錢
HKDSE 放榜當日行動
去到呢個階段，你攞到DSE成績後，你已經有三個計劃喺手，所以你已經可以選擇使用邊一個JUPAS方案。
你可以請你嘅班主任、或者升學及就業輔導組嘅老師幫忙核對或者對你嘅方案給予意見。千奇唔好驚尷尬而唔去詢問，呢啲老師每年都會經歷咁樣嘅場景，比起第一次經歷嘅你，一定會更有經驗；因此請教更有經驗嘅人係你成功入讀大學嘅重要因素之一。
DSE文憑試放榜時要準備嘅資料同物品:
身分證正本；身分證副本
DSE成績表正本；DSE成績表副本（當日即時影印）
中四至中六校內成績表正、副本
其他學習經歷（OLE）正、副本
學生學習概覽（SLP）正、副本
文具（最低程度都要帶支筆）
學校推薦信 *如有
海外升學？
學生如果成績未如理想，未能入讀理想科目。正所謂條條大跟通羅馬，海外升學也不失為一個好選擇。放榜當日大市面上在各大酒店會有DSE海外升學展，為方便學生比較，本網站綜合了外升學展的詳情，方便學生選擇。詳情可以參考DSE 海外升學展2021一覽
以上資料僅供參考。
