fbpx

鋪路入英國名校

為咗子女入名校,一眾家長絕對會絞盡腦汁,有的仿效孟母三遷;有的幫仔女報讀不同類型嘅補習班同課外活動,集18般武藝於一身。學生有天賦還好,如果無嘅係咪同名校絕緣?今日為大家介紹下邊三個途徑可以入讀英國名牌大學的路程。

英國A Level

對於修讀A Level嘅學生,英國大學只會考慮三個學科,學生兩年內修讀3個學科就可以,時間上絕對非常充裕。不過對於一些頂尖學府或「神科」,如牛津、劍橋、醫科等等,三個學科絕對唔足夠特顯你自己嘅長處,建議多選修1 – 2個學科。對於部分Russell Group嘅大學,佢地亦會接受A Level中文為一個學科,因此對於香港嘅學生黎講絕對係一件好事,可以將更多時間擺落另外兩科到。

(更多英國中學資料,請詳細遊覽本網站嘅「英國中學專區」。)

Foundation 大學預備班

自細無讀書運嘅學生係咪一定同名校絕緣?咁又唔係嘅,正所謂條條大路通羅馬,仲有一個解決辦法,Foundation課程絕對幫到妳。對於想戰略性地避開公開考試於公開考試中失手嘅學生,不妨考慮下入讀Foundation課程,只要校內考試夠分,就可以直入名牌大學。如果你目標係一些超級名牌學府,你都係老老實實翻去考公開試啦,因為99%呢d頂尖學府係不設Foundation課程,就算有,都會有所限制,如UCL嘅Foundation課程只招收部分地區已完成高中課程嘅學生(遺憾地香港學生不在此列)。

(更多英國Foundation資料,請詳細遊覽本網站嘅「升學資訊 – Foundation 篇」。)

HKDSE

英國所有大學都會接受DSE學生嘅申請,而且係英國大學眼中,中文同通識不是必修科目。對於一些係DSE裡面中文、通識考獲2級嘅學生黎講,不妨考慮下去英國留學。直到現時階段,DSE嘅學生有一樣優勢,只要DSE英文拿到或超過等級4嘅成績,大部分英國大學可免除雅思成績,苦中一點甜吧。不過英國大學對於DSE嘅學生都有小小限制。

以下係一些常見嘅例子:

選擇工程類學科學生必須有M1或M2;選擇生命科學嘅學生必須有兩科為生物、化學或物理等等;部分名牌大學嘅商科都需要學生有M1或M2

*申請前記得仔細遊覽學校官方網站嘅收生要求,若有懷疑亦可向英國大學招生部查詢收生準則。

建議

以上三種途徑,個人認為Foundation課程最容易,經校內考試就可以入讀Year 1。順帶一提,有不少Foundation課程只要你中五畢業就可以申請。而且某些「神科」如醫科亦設有Foundation課程,大家不妨多留意各大學開設嘅情況。

其次為A Level,兩年時間準備三個學科,時間卓卓有餘。如果眼光唔係超高的話,更可以用A Level中文成為其三個學科其中一個,咁樣兩年時間準備兩個學科,成件事即刻輕鬆佐。

以上資料僅供參考。

更多升學資訊

Leave a Reply

Your email address will not be published. Required fields are marked *

Translate »